ມາຣົກ ດຳເນີນການຊ້ອມຮົບຮ່ວມກັບສະຫະລັດອາເມຣິກາ
ລົດຕັ້ງລຸ້ນ M1A1SA
ສຳນັກຂ່າວຫວຽດນາມ ລາຍເມື່ອບໍ່ດົນມານີ້ວ່າ: ອີງຕາມຂໍ້ມູນທີ່ເປີດເຜີຍໂດຍກະຊວງປ້ອງກັນປະເທດສະຫະລັດອາເມຣິກາ (DOD)
ລະບຸວ່າ, ໝວດລົດຕັງ Abrams M1A1SA ຂອງກອງທັບລາດຊະວົງມາຣົກ ໄດ້ເຂົ້າຮ່ວມການຊ້ອມຮົບສອງຝ່າຍກັບສະຫະລັດອາເມຣິກາ
ໄດ້ຢ່າງສຳເລັດຜົນ. M1A1SA ແມ່ນລົດຕັງທີ່ພັດທະນາມາຈາກລົດຕັງລຸ້ນ M1 Abrams ອອກແບບມາ ເພື່ອສົ່ງອອກສູ່ຕະຫຼາດ.
ລົດລຸ້ນດັ່ງກ່າວນີ້ໄດ້ມີການຍົກລະດັບ ເພື່ອໃຫ້ມີປະສິດທິພາບທີ່ສູງຂຶ້ນດັ່ງນັ້ນຜູ້ຜະລິດຈຶ່ງມີການປັບປຸງ ໂດຍມີການຕິດຕັ້ງອຸປະກອນ
ເກາະປ້ອງກັນລູກປືນ ແລະ ລະເບີດໃສ່ຕົວເຄື່ອງ, ເຊິ່ງເປັນການປັບປຸງທີ່ເຮັດໃຫ້ລົດສາມາດທົນທານຕໍ່ລູກປືນທຳມະດາ ແລະ ລູກປືນໄຟ
ຕ້ານລົດຕັງ. ລົດຄັນດັ່ງກ່າວຍັງໄດ້ຕິດຕັ້ງດ້ວຍປືນໃຫຍ່ຂະໜາດ 120 ມມ ທີ່ສາມາດຍິງລູກປືນໄດ້ຫຼາຍປະເພດລວມທັງລູກປືນເຈາະເກາະ
ແລະ ລູກປືນທີ່ມີເປັນປະເພດລະເບີດ.
ລົດຕັ້ງລຸ້ນ M1A1SA ໄດ້ຕິດຕັ້ງລະບົບການຄວບຄຸມທີ່ມີຄຸນນະພາບ ແລະ ມີຄວາມທັນສະໄໝ ລວມໄປເຖິງອຸປະກອນຊ່ວຍທີ່ສາ
ມາດເບິ່ງເຫັນເສັ້ນທາງໄດ້ເປັນຢ່າງດີໃນເວລາກາງຄືນ ຊ່ວຍໃຫ້ການໂຈມຕີຕໍ່ເປົ້າໝາຍຊັດເຈນມີຄວາມແມ້ນຢຳສູງ.
ແຫຼ່ງທີ່ມາ: ໜັງສືພິມກອງທັບ
ວັນທີ 07/06/2024